我試過偷偷哋去見工，因為唔適應追數嘅生涯，心很累，結果send咗CV出去，將3個interview安排喺同一日，請咗一日假，即管睇下有冇機會唔使再返嚟。
呢3份工都係In House HR，坦白講人哋會問乜已經喺預計之內，我獵頭份工日日就係interview，隨便出招吖！點解想轉工？我準備咗20個得體嘅答案；點解我哋公司要請你？我個袋有50個model answer。
完成咗兩個interview，最後係一間傳媒公司，今次有啲特別，因為我嚟見工，個HR調返轉叫我幫佢搵工，真係有今生冇來世！一開始大家嘅對答好正常，直至佢對我份獵頭好有興趣，你絕對感受到佢係幫自己問緊，例如老細捽數狠唔狠？In House跳去做又好唔好呀？咁我都唔客氣喇：「你好似比我更想轉工喎，哈哈(假笑)，想做獵頭？」
HR：「唔一定要獵頭嘅，諗緊繼續做In House好唔好，其實我遞咗信。」
乜搞啲咁嘅嘢呀？😅😅😅
「吓，點解唔做呀？呢度唔好咩？」
HR：「呢度好多人走，一個月有200個head count，老細會走入人事部鬧你請得慢架！你有冇其他工介紹？我未開始搵。」
我知佢一定唔係成功嘅HR，但佢係一個好人，聽完之後我忽然覺悟，係喎！獵頭可以揀job做，但係In House HR冇得揀，公司要請咩位都要做，一樣要追KPI，如果200個head count，當你一個月返足30日，每日都要請接近7個人，最重要係咩呀？冇佣吖嘛！
心念一轉，第二日我返到公司好畀心機做嘢，其實工作嘅情緒同埋諗法好睇你自己點樣看待，結果連我阿姐都嚇親，問點解我好似醒神咗，冇之前咁頹，心情仲好好咁。
唔通我答去咗見工，發覺出面仲難撈咩？所以就話飲完咖啡個人精神晒，仲要唔係普通3合1，係咖啡牌子少有嘅濾掛式咖啡，將左右耳仔拉開放喺杯邊，落熱水再拎起濾袋就即刻飲得，最正係每包都有一種生活態度嘅句子，連心靈都可以打打氣，我飲緊曼特寧風味，阿姐你要唔要試下藍山？
阿姐：「飲完會好似你咁畀心機做嘢？咩牌子呀？」
「Maxwell，惠康、百佳，同埋華潤萬家都有售。」
廣告係真嘅，出去見工嘅經歷都係真嘅，有時做嘢做到攰攰哋，記住畀自己take個break，放假又好，睇下外面個世界又好，嘆杯Maxwell都好，轉個好心情同埋視野，先會做得開心。
Search